Këngëtarja Evi Reçi dhe ish-banori i “Big Brother VIP”, Kledi Hysa janë përfolur së shumti për një lidhje të mundshme romantike. Aludimet erdhë pasi dyshja u panë duke pozuar dhe më pas postuar në vende të njëjta në Instagram.
Dyshja bënë shfaqjen e tyre të parë publike gjatë mbrëmjes së “Netët e Klipit Shqiptar”. Ishte pikërisht Kledi ai që i dhuroi Evit çmimin për klipin më të mirë të muzikës qytetare duke i shtuar dhe më shumë dyshimet për një lidhje mes dyshes. Por ajo që ra në sy më së shumti ishin komentet që mikja e ngushtë e këngëtares dhe njëkohësisht moderatorja e spektaklit, Arjola Shehu bëri kur Evi po ngjitej në skenë.
“E bukur si gjithnjë Evi, megjithëse komplimentat për Evin duhet ti bësh ti Kledi”, tha Arjola teksa çifti u shfaq duke u përqafuar në skenë.
Së fundmi, Evi ka folur në një intervistë për ‘Ora Verore’, Evi u pyet nëse është apo jo në një lidhje me Kledin dhe përgjigjja e këngëtares na la të kuptojmë se marrëdhënia mes tyre është me të vërtetë diçka më tepër se një miqësi.
“Më pëlqyen se thoshin është rastësia, por është e vërtetë. Epo rastësia është mbreti i botës. Kaq kam për të thënë.”– është shprehur Evi.
