Balerini Ilir Kerni është vlerësuar me Urdhrin e lartë të Nderit të Kombit në Kroaci ku punon e jeton prej vitesh.
Lajmin e ka bërë të ditur bashkëshortja e tij, Dori Kerni përmes një postimi në Facebook.
Kujtojmë se titullin “Nderi i Kombit”, Kerni e ka marrë edhe në Shqipëri, të akorduar nga presidenti Ilir Meta në vitin 2021.
Ilir Kerni është emëruar drejtor i Baletit në Teatrin Kombëtar të Splitit në Kroaci në vitin 2019, post të cilin do ta mbajë deri më 2023. Ilir Kerni drejtoi për disa vite edhe Teatrin e Operas dhe Baletit në Shqipëri, për tu larguar në vitin 2016-të pas disa mosmarrëveshjesh me Qeverinë. Artistët e TKOB firmosën në atë kohë një peticion kundër largimit të Kernit, që gjithsesi nuk u mor në konsideratë.
