Një 42-vjeçar ka goditur me kaçavidë dy persona ditën e djeshme, ndërsa policia njofton këtë të Premte arrestimin e tij.
“Shërbimet e Komisariatit të Policisë Nr. 4, pas marrjes së njoftimit se në ambientet e një lokali, një shtetas kishte goditur me mjet të fortë dy të tjerë, menjëherë kanë organizuar punën për kapjen e tij”, njofton policia, që bën me dije se i arrestuar është 42-vjeçari me iniciale P.B., banues në Tiranë.
“Ky shtetas, ditën e djeshme, në ambientet e një lokali, në rrugën ‘Kostandin Kristoforidhi’, gjatë një konflikti për motive të dobëta, ka goditur me mjet të fortë (kaçavidë), shtetasit M. Th. dhe R. Ll., të cilët ndodhen jashtë rrezikut për jetën”, shtuan të njëjtat burime.
I arrestuari akuzohet për veprat penale “Kanosja”, “Plagosja e rëndë me dashje” dhe “Prodhimi, mbajtja, blerja, apo shitja pa leje e armëve të ftohta”.
