Deputeti demokrat Saimir Korreshi, ka ironizuar vendimin e shpalljes si investitor strategjik të bashkëshortit të ministres së Jashtme, Olta Xhaçka, mandati i së cilës është vendosur në pikëpyetje, pasi opozita e akuzon se është në konflikt interesi me statusin e investitorit strategjik të përfituar nga bashkëshorti i saj me vendim të qeverisë së Edi Ramës.
“Dhe nëse është normale që një bashkëshort apo bashkëshorte e një deputeteje apo deputeti të marrë një tokë publike për të vendosur shezlonge, apo nuk përbën asnjë lloj shkelje, na thoni ku merret leja se akoma nuk ka marrë rrogën nusja ime.Të bëjë ndonjë investim strategjik.
Merr 400 mijë lekë dhe mbarojnë shpejt, të bëjmë dhe dy shezlonge të kalojmë plazhin. Kjo është qesharake pastaj. Të marrësh gjithë plazhin e Drimadhes, hajde gjeje kush e merr, pronë shtetërore, të përfitosh nuk është me të vjedhë nga pasuria publike gjeni ju se çfarë është. Ne i ramë shkurt dhe kërkuam ti drejtohemi Gjykatës Kushtetuese, ju bëtë pyetje dhe ne jemi të detyruar ti themi dhe këto”, tha Korreshi.
