Ministrja e Financave, Delina Ibrahimaj bëri një bilanc të treguesve ekonomikë këtë të Enjte, gjatë një dalje për mediat.
Ibrahimaj u shpreh se “ekonomia shqiptare për pesë mujorin është rritur paçka rritjes së çmimeve”. Ai shtoi se përveç sektorit të ndërtimit, kemi pasur rritje në të gjitha sektorët e tjerë.
Madje sipas ministres, për 3 muajt e parë të vitit, rritja është mbi mesataren e vendeve të BE.
“Dje është publikuar Produkti i Brendshëm Bruto nga INSTAT, ku rritja ekonomike për 3 mujorin e parë të vitit 2022, rezultoi 5.97%, pra afërisht 6%. Shqipëria me rritjen prej 5.97%, ka qenë më e lartë edhe se mesatarja e Bashkimit Evropian, e cila është rritur me 5.6%, por edhe se rritja e të gjitha vendeve të rajonit”, tha ministrja.
Sipas Ibrahimajt, është rritur edhe paga mesatare, ndërsa është ulur papunësia.
Ajo kumtoi se punësimi në Janar – Mars 2022 ka qenë 2 përqind më i lartë se shifra e vitit të kaluar.
Ndërsa papunësia, tha ajo, gjatë kësaj periudhë ka qenë 11.3 përqind, nga 11.4 përqind që ishte të njëjtën periudhë më parë.
Ministrja po ashtu bëri me dije se është rritur paga mesatare në 59 mijë Lekë për 3 muajt e parë të vitit, nga 42 mijë lekë, ose 5 përqind më e lartë se vitin e kaluar.
Ibrahimaj theksoi se është reduktuar borxhi.
Duke iu përgjigjur interesit të gazetarëve pas paraqitjes së të dhënave, ajo tha se do ketë të dytë ekonomike “për ata biznese dhe individë që kanë më shumë nevojë për mbështetje”. Por, nuk dha detaje mbi datën apo kategoritë që do të përshihen.
Po ashtu, hodhi poshtë zërat për ndryshimin e taksimit të karburanteve.
