Një automjet, lloji i të cilët, nuk është mësuar ende, mësohet të ketë përfunduar në anësoren e rrugës nacionale Fier – Tepelenë, në vendin e quajtur Buzemadh.
Të dhënat paraprake flasin për një humbje të kontrollit nga ana e drejtuesit të automjetit, gjë që ka bërë që automjeti, duke bërë dredha në rrugë, të dalë prej saj, duke ndalur ne anësore.
Po sipas këtyre burimeve, mësohet që në automjet të ketë qenë një grua dhe një fëmijë, të cilët janë jashtë rrezikut për jetën.
Ata janë përcjellë menjëherë pranë spitalit rajonal të Fierit, ku po marrin mjekimin e nevojshëm.
Në vendngjarje ka shkuar edhe policia e Fierit për zbardhjen e rrethanave të ngjarje.
