Këtë të premte Partia Socialiste shpalli emrat e përzgjedhur për të drejtuar këtë forcë politike në çdo bashki të vendit. Gjatë prezantimit të emrave, Sekretari i Përgjithshëm i PS, u pyet nëse procesi i përzgjedhjes së emrave ishte një farsë, pasi në vetvete u fsheh gara dhe u bënë thjesht disa emërime.
Në përgjigjen e tij Gjiknuri tha se metodologjia e re që ka përdorur PS, bën që kandidatët të marrin pëlqimin e anëtarësisë dhe të Asamblesë së partisë, por pa e shpjeguar se si, me votë apo jo.
Pyetje: A është procesi një farsë, a po fshihet gara?
“Në fakt unë e kam dhënë dhe këtë shpjegim kemi të bëjmë me nje proces krejt tjetër E para njëherë nganjëherë kandidaturat zgjidhen duke reflektuar një raport, kësaj here është një proces që shkon përtej asaj, sepse kandidatët nuk filtrohen nga asnjë lloj strukture. Kandidatët vetëshpallen aplikojnë, ballafaqohen, është marrë opinion i anëtarësisë, grupi i punës ka pasur një metodologji ku përfshihej dhe opinion i Asamblesë.
Ky proces, Partia Socialiste do të dalë më e fortë dhe besoj se kemi zgjedhur kandidatët më të mirë. Çdo parti ka formën e saj të organizimit dhe çdo ndryshim ne e bëjmë në funksion të forcimit të organizatës dhe në funksion të objektivave elektoralë”
