Gjykatësi Taulant Tafa ka lënë në fuqi masën e sigurisë “Arrest Shtëpie” të kërkuar nga Prokuroria për ish zëvendësdrejtorët e policisë së Elbasanit, Albert Nushi dhe Nikollaq Palla.
Dy ish-zyrtarët janë paraqitur mesditën e kësaj të enjtje në Gjykatën e Rrethit Gjyqësor Elbasanit për tu njohur me vlerësimin e masës së sigurisë .
Pas daljes nga salla e gjyqit-Ish zv.drejtori Albert Nushi i pyetur nga gazetarët është prononcuar: Ikni tani, më lini rehat, tha ai.
Ata akuzohen për shpërdorim detyre dhe se kanë bërë dëshmi të rreme në rastin e vrasjes së Pjerin Xhuvalit gjatë fushatës elektorale të zgjedhjeve të 24 prillit.
Sakaq, në seancë, nuk janë paraqitur avokatët e tyre për shkak të bojkotit pa afat të seancave.
