Moderatorja dhe blogerja Kiara Tito është përfolur për një lidhje disavjeçare me këngëtarin, Butrint Imeri. Ata nuk e kanë pranuar kurrë publikisht se kanë qenë bashkë, por fotot e shkrepura asokohe nga paparacët kanë treguar të kundërtën. Gjithashtu, Kiara mori pjesë në videoklipin “Hajt hajt” të Butrinit dhe që atëherë lajmet për ta nuk pushuan.
E ftuar në një intervsitë në “Goca dhe Gra”, Kiara foli si rrallë herë rreth jetës së saj private dhe lidhjeve të dashurisë. Në një lojë të organizuar ajo u pyet nëse do t’i jepte një mundësi ish të dashurit nëse do ti kërkonte një rikthim.
“Do ta rimendoja rikthimin”– tha Kiara Tito, e cila duke folur për ish të dashurit e saj zbuloi se edhe ka tentuar të krijojë shoqëri me njërin nga ata.
“Me një nga ishat e mi, tentova që të kisha shoqëri sepse vjen një pikë që mbyllen disa gjëra dhe hapet një eksperiencë e re, kanë ndryshuar shumë gjëra e s’ke më ndjenja. Por ne momentin që del e takon ose flet, tjetri edhe mund ta marrë si sinjal dhe nuk e pret mirë pjesën që mund ta kesh shok.”- tregoi Kiara.
Gjatë lojës ajo iu përgjigj edhe pyetjeve të tjera që kishin të bënin me romancat e saj në të kaluarën, duke zbuluar edhe një rast ku ish i dashuri e përndiqte me adresë fallco në rrjetet sociale.
Pjesë nga intervista:
Armina: Nëse ish-i do të të kërkonte të riktheheshit, çfarë do të bëje?
Kiara: Do ta rimendoja!
Armina (i drejtohet nga studio ish të dashurit të Kiarës): Je akoma në kohë që mund t’i bësh një thirrje për rikthim. Nëse të telefon ditën e lindjes?
Kiara: Do ia hap, mirëpres urimet.
Armina: Ish-i të përndjek në rrjete sociale me adres fallco…
Kiara: Për këto gjëra vdes, i kam shumë qejf.
Dalina: Të ka ndodhur?
Kiara: Po, më ka ndodhur. Kam kuptuar që kanë qenë adresa fallco, e shihja shpesh nëpër story. Dhe më pas e kam kuptuar. Por mua më pëlqejnë këto gjëra. Ka qenë një nga dy ish-ët.
