Policia e Elbasanit i është vënë në ndjekje një automjeti , pas dyshimeve se me të lëvizin persona me rrezikshmëri rë lartë shoqërore.
Dyshimet erdhën menjëherë pasi një patrullë e policisë i bëri shenjë për ndalim makinës me targa AB680AB, por ajo nuk ndaloi.
Kaq ka mjaftuar që efektivët e policisë të njoftojnë patrullat e tjera të cilat i janë vënë në ndjekje.
Mjeti ka qenë në hyrje të Librazhdit kur i është bërë shenjë për të ndaluar, por më pas ai ka lëvizur në drejtim të Elbasanit.
Pavarësisht angazhimit, deri në këto momente nuk kemi asnjë sinjal për makinën me të cilën ka dyshime se mund të kenë qenë persona të shpallur në kërkim dhe me rrezikshmëri.
