Konkurrentja e “He/she’s on top, Laura Vrapi, e cila më herët ka treguar se si ka zbuluar tradhtinë e ish-të dashurit, rrëfeu në “E Diell” ku e gjeti forcën që të mos e falte ish-partnerin.
“Unë e kam parë që edhe në “Instagram” dhe në “TikTok”, realisht jam bërë virale. Ndonëse disa më kanë përkrahur, madje kam marrë edhe mesazhe shumë mbështetëse, disa e kanë quajtur si thjesht “trillim”. Por ta përjetosh në lëkurën tënde është shumë më e vështirë.
Sa herë që e shikoj veten time duke folur, më dhemb si herën e parë me thënë të drejtën. Është e vështirë ndonëse ka kaluar dhe është zbehur pak. U tradhtova.
Kisha një lidhje të bukur, kisha tre vite me të. U kthyem nga jashtë dhe vendosi që të merrte disa ditë pushime. E besova. Realisht ai kishte shkuar me një tjetër dhe unë e zbulova. E zbulova nga postimet në “Instagram”.
E kam përjetuar shumë keq. Jam mbyllur shumë, nuk doja të haja, të pija, të flisja me askënd. U ndava me të dhe nuk e fala. Pas 9-muajsh u rikthye, kishte reflektuar. Më gjente kudo, prindërit e mi e shikonin te lagjja duke ecur.
Forca ime më e madhe ishte se kisha familjen mbështetje. Një forcë e brendshme ndoshta më thoshte fale, por nga ana tjetër nuk e di ku e gjeta forcën dhe nuk e fala”, tha 26-vjeçarja.
