Cristiano Ronaldo është kthyer në qendrën e merkatos këtë vit, pasi u vu në dyshim edhe e ardhmja e tij te Manchster United.
Zëra të ndryshëm raportuan se për CR7 u interesua Bayern Munich, pasi shikohej si zëvendësuesi ideal i Robert Lewandowskit, me këtë të fundit që pritet të kalojë në “Camp Nou”.
Një tjetër skuadër që doli në skenë ishte edhe Chelsea që kërkonte sulmuesin portugez për të zëvendësuar Robero Lukakun.
Një tjetër pistë ishte ajo e rikthimit te Juventusi. Pasi “Zonja Vjetër” riktheu në skuadër Paul Pogba, vetë Ronaldo e dëshironte një rikthim në Allianz Stadium për t’u bashkuar me ish-shokët e tij të skuadrës.
Por të gjithë këtyre zërave u jep fund vetë klubi anglez, i cili ka theksuar se Cristiano Ronaldo nuk është në shitje dhe se qëndrimi i tij në “Old Trafford” është i sigurtë edhe për sezonin e ri.
Ronaldo luajti 30 ndeshje në Premier League sezonin e kaluar duke arritur të shënonte 18 gola dhe duke shërbyer 3 asist për shokët e skuadrës.
