Kryetari i Këshillit Kombëtar të PD Edi Paloka ka komentuar përmes një statusi në rrjete sociale deklaratën e kryeministrit Edi Rama në Forumin Europian pas samitit të Brukselit.
Rama përveç gjuhës së ashpër ndaj Bashkimit Europian, ka thënë se ballkanasit janë të çmendur, por janë edhe të mirë. Sipas Edi Palokës, ne kemi një gomar internacional për kryeministër, duke iu referuar deklaratave të këtij të fundit.
Kujtojmë se kreu i qeverisë prej tre ditësh ka përdorur një gjuhë jo diplomatike ndaj BE-së duke shkelmuar kështu dyert që shqiptarët presin të hapen prej vitesh. Kryeministri ka sulmuar edhe Bullgarinë për veton e vendosur ndaj Maqedonisë së Veriut, ndërsa bullgarët e quajnë gjuhën e Ramës fyese.
