Presidenti turk, Recep Tayyip Erdogan ka sugjeruar rivendosjen e dënimit me vdekje për përgjegjësit e vënies së zjarreve.
“Duhet të vendoset një dënim me vdekje”, u tha Erdogan gazetarëve në resortin turistik të goditur nga zjarri në Marmaris, në provincën jugperëndimore të Mugla.
Turqia e hoqi dënimin me vdekje në vitin 2002 dhe fillimisht propozimi i Erdogan duhet të votohet nga parlamenti përpara se të miratohet.
“Një zjarr në Marmaris, i cili shpertheu të martën, ka dëmtuar 4000 hektarë dhe ka detyruar 435 banorë të evakuohen”, tha Erdogan.
“Të premten, një gjykatë në Marmaris dënoi me burg një banorë i cili rrëfeu se kishte ndezur zjarrin nga zemërimi për shkak të një mosmarrëveshjeje familjare”, njoftoi agjencia shtetërore e lajmeve “Anadolu”.
“Një person i dytë u arrestua në qytetin turistik mesdhetar të Antalias, rreth 500 kilometra në veri-lindje të Marmaris, për zjarrvënie të dyshuar”, raportoi Anadolu.
Dënimi me vdekje do të ishte një parandalues i shkaktimit të zjarreve, dhe duhet të konsiderohet me seriozitet, shtoi Erdogan.
