Kreu demokrat Sali Berisha pak ditë më parë u shpreh se protesta e madhe kombëtare kundër regjimit të Edi Ramës do të mbahej në orën 19:00 të datës 7 korrik.
Në një video-editorial, gazeta Koha Jonë e botues Nikoll Lesin, shprehet se bizneset e vogla po falimentojnë për shkak se oligarkët e lidhur me Qeverinë po marrin gjithçka.
Sipas video-editorialit, protesta do të tregojë jo vetëm forcën reale të Sali Berishës, si kryetar i PD, por edhe sa njerëz të pakënaqur ka kundër Qeverisë.
“Ndaj protesta e 7 korrikut do të jetë jo vetëm test për Sali Berishës, por edhe për shoqërinë shqiptare”, thuhet në video-editorial.
Sipas tij, një shoqëri që nuk shkon në protesta, atëherë ajo vdes dhe vendi shkon drejt diktaturës.
