Nënkryetari i LSI-së, Pertrit Vasili, gjatë intervistës për “Fax News” tha se sjellja arrogante e Edi Ramës ndaj liderëve europianë është shumë problematike për marrëdhëniet e Shqipërisë me diplomacinë evropiane.
Lidhur me vendimin e Parlamentit bullgar që votoi për heqjen e vetos për hapjen e negociatave, Vasili u shpreh se është një vendim i mirëpritur për atë që ndodh por nuk jemi optimistë pasi ka ende gjëra të paqarta ka në horizont.
“Presioni i madh, por ka ende gjëra që duan mund dhe kohë për të pasur një reflektim politik dhe nuk mendoj se zgjidhja është pranë, do të ketë negociata mes Maqedonisë së Veriut dhe Bullgarisë. Komentet thelbësore publikisht kryeministri maqedonas tha se ky është një propozim i papranueshëm duke përdorur termin bullgarizim i Maqedonisë së Veriut”, tha ai.
Ndërsa lidhur me deklaratat e Ramës në Bruksel, Vasili u shpreh se për fat të keq Shqipëria ka një njeri që duhet të përfaqësohet në këto tavolina me Edi Ramën.
“Kemi parë një kryeministër tërësisht anti-evropian. Një njeri që e kemi thënë gjithmonë, duke paralajmëruar një bojkot por këto janë veprime të komanduara nga Vucic. Rama është një peng i Serbisë. Me çfarë shantazhohet kryeministri shqiptar dhe kthehet në peng janë cështje që koha do ti sqarojë. Shqipëria është në shërbim të Serbisë.
Shqipëria ka zgjedhur lidhjet me Serbinë, e cila ka një këmbë të vendosur në Moskë dhe një këmbë në Bruksel, kërkon të përfitojë nga dy krahët.
Qëndrimi në Bruksel nuk ka precedent nga më të shëmtuari ishte deklarata e Ramës. Një vend që ka fuqi ekonomike shumë të kufizuara por sillet si një mi i djallosur përballë lidervë europianë. Shqipëria ka zhvilluar zgjedhje moniste. Është një vend që pastron paratë dhe vend kyc për trafikun e drogës. Është një vend që ka krijuar raportet konfliktuale me vendet e BE. Shqipëria ka bërë hapa pas në lidhje me demokracinë, asgjë nuk ka kaluar pa u shënuar. Europa e njeh shumë mirë Edi Ramën”, u shpreh Vasili.
