Tirana në volejbollin për meshkuj është skuadra e vetme e “rrjetës” shqiptare që do të luajë në Kupat e Europës.
Ekipi i drejtuar nga Arben Sako do të marrë pjesë në Challenge Cup, duke u rikthyer në arenën ndërkombëtare pas më shumë se dy dekadash.
Në datën 28 qershor, kryeqytetasit do të mësojnë në Luksenburg dhe kundërshtarin me të cilin do të përballen, ndërsa datat e ndeshjeve pritet të zyrtarizohen.
Bardheblutë zhvilluan një sezon të shkëlqyer pasi u shpallen jo vetëm Kampione e Shqipërisë, por dhe fituese e Kupës së Shqipërisë dhe Ligës “Gjergj Kastrioti”, pa harruar këtu Kupën e Pavarësisë, apo dhe Kupën e Federatës Shqiptare të Volejbollit.
