Deputeti demokrat, Belind Këlliçi, tha në emisionin “Zonë e Lirë” tha se me protestën e 7 korrikut, Partia Demokratike po i rikthehet opozitarizmit të vërtetë.
Këlliçi tha se PD ka pasur një problem, që kauzave nuk i shkonte deri në fund, ndërsa tani ne do të tregojmë se çdo gjë ka një kufi.
“Mendoj se protestat janë të vonuara, shqiptarët janë varfëruar, kjo qeveri ka shkelur çdo vijë të kuqe, ndaj dhe them se kjo protestë e 7 korrikut është mëse e nevojshme”, tha Këlliçi.
Ai tha se opozita do të krijojë një front të bashkuar për t´iu përgjigjur regjimit të Edi Ramës.
