Ylli i pop-it, Billie Eilish thotë se jeta e saj ndihet “si një turbullirë” pasi është në turne dhe nuk ka parë rrezet e diellit për tre ditë. Këngëtarja e cila do të bëhet performuesja më e re në histori të Glastonbury, tha se ajo fle në autobus pas një koncerti dhe më pas qëndron në arenë para shfaqjeve të saj.
“Është diçka e çmendur që bën një njeri, duke bërë turne. Është kaq e panatyrshme për ne si njerëz të kemi nivele kaq të larta dhe kaq të ulëta. Është sikur po jetoni pesë jetë të ndryshme në të njëjtën kohë”, tha artistja.
Menaxheri i saj i turneut madje ndez një qiri me aroma të ndryshme në dhomën e zhveshjes së saj, në varësi të kontinentit në të cilin ndodhet, për ta ndihmuar atë të masë kohën që kalon, shkruan The Sun.
Këngëtarja e “No Time to Die Bond ” do të vizitojë 47 qytete gjatë gjashtë muajve të ardhshëm si pjesë e turneut të saj botëror “Happier Than Ever”. Pasi të luajë në skenën e Piramidës në Glastonbury në Somerset, Billie do të luajë në arenën O2 të Londrës të shtunën dhe të dielën.
