Nënkryetari i PD, Oerd Bylykbashi, përmes një postimi në rrjetet sociale, shprehet se korrupsioni galopant nuk po ndëshkohet sepse mazhoranca socialiste ka kapur shtetin dhe drejtësinë.
Sipas tij, për qeverinë dhe deputetët e saj, korrupsioni luftohet me më shumë korrupsion, boll të maskohet si konçension apo investim strategjik, dhe me paratë që fitojnë, të blejnë media dhe vota.
Postimi nga Oerd Bylykbashi
Për mazhorancën socialiste korrupsioni galopant me tendera që klientët e qeverisë fitojnë pa konkurencë të vërtetë, me 100% të fondit dhe shpesh me kontrata sekrete, luftohet me manuale trajnimi dhe manuale të E-Albania për ankime elektronike.
Tallen me shqiptarët ndërkohë që u vjedhin paratë e taksave me këta tendera korruptivë.
Për qeverinë dhe deputetët e saj, korrupsioni luftohet me më shumë korrupsion, boll të maskohet si konçension apo investim strategjik, dhe me paratë që fitojnë, të blejnë media dhe vota.
Tashmë nuk vjedhin më fshehurazi. Tani grabisin hapur me PPP dhe status investori strategjik.
Pandëshkueshmëria është në themel të vjedhjes së këtyre hajdutëve arrogantë.
Pandëshkushmëria që vjen nga siguria se ke kapur të gjithë shtetin, mbi të gjitha drejtësinë.
