Pas deklaratës së Edi Ramës, se ka vendosur të braktisë samitin e BE-së për zgjerimin, ka reaguar edhe analisti Andi Bushati.
Bushati bën paralelizma mes deklaratës së sotme të Edi Ramës, për të braktisur BE-në dhe kërkimit të llogarisë ndaj Kosovës, por nga Edi Rama se pse nuk i bashkohen Ballkanit të Hapur.
‘Duhet tepër guxim intelektual qe ti kërkosh hesap Kosovës se pse bojkoton mbledhjet e Open Ballkan, kur vetë bojkoton samitin me BE-në’, – shkruan Andi Bushati në rrjetin social Facebook.
Sot Edi Rama shkroi në Twitter, se bashkë me presidentin serb dhe kryeministrin maqedonas, kanë vendosur të mos i bashkohen samitit të BE-së që mbahet në Bruksel në datat 23-24 qershor, pasi Bullgaria po mban peng Europën e Bashkuar.
