Zbardhen detaje të reja në lidhje me ngjarjen e rëndë që ndodhi pak para zgjedhjeve të 25 prillit, ku në Elbasan pas një përplasje do të humbte jetën Pjerin Xhuvani.
Prokuroria e Elbasanit pritet të thërrasë edhe për Gazmend Bardhin, në cilësinë e personit që ka dijeni për rrethanat e hetimit, por edhe si kryesuesi i listës së PD në Elbasan.
Organi i akuzës ka bindje se nga ajo seli është dhënë urdhër për të qëlluar ndaj Pjerin Xhivanit.
Ngjarja e rëndë ndodhi pas një debati mbi pretendimet që kishte grupi i badigardëve të PD-së, për disa karta identiteti, për të cilat Prokuroria e Elbasanit dhe hetimet tregojnë se nuk kanë ekzistuar.
Në automjetin e dyshuar janë gjetur vetëm lista patronazhistëve, që prokuroria i ka sekuestruar në cilësinë e provës materiale.
Paplekaj është i dyshuari kryesor për vrasjen e 56-vjeçarit, ndërkohë që gjatë përplasjes u plagosën dhe 4 persona të tjerë, përfshirë dhe një oficere policie.
Ish-efektivi i RENEA-s, akuzohet për kryerjen e veprave penale, “Vrasja në rrethana të tjera cilësuese kundër dy ose më shumë personave dhe në mënyrë të rrezikshme për jetën e shumë personave”, “Vrasja e punonjësve të Policisë së Shtetit, e mbetur në tentativë”, “Heqja e paligjshme e lirisë e kryer me dhunë” në bashkëpunim.
