Ditën e hënë, 20 qershor, zhvillohet mbledhja e rradhës e përbashkët mes qeverisë së Shqipërisë dhe Kosovës, e cila do të mbahet në Prishtinë.
Raportet mes dy shteteve janë në nivelin më të ulët, për shkak edhe të kritikave dhe qëndrimeve të Kryeministrit Edi Rama, i cili në jo pak raste ka kritikuar Prishtinën zyrtare lidhur me qëndrimin e kësaj të fundit ndaj Open Balkan.
Nga mbledhja që pritet të mbahet nesër nuk priten zhvillime, kjo edhe për faktin se marrëveshjet e firmosura më parë mes Kryeministrave të Kosovës dhe Ramës, duket se kanë mbetur vetëm në letër.
Axhenda
11.15-Hapja e sesionit plenar të mbledhjes së dy qeverive Kosovë-Shqipëri
Fjala e z. Albin Kurti, Kryeministër i Republikës së Kosovës
Fjala e z. Edi Rama, Kryeministër i Republikës së Shqipërisë
Fjalë të shkurtra nga anëtarë të dy kabineteve për të parashtruar çështjet kryesore dhe marrëveshjet për nënshkrim
12.20-Prezantimi nga z. Eric SMIT, Drejtor i “Royal Haskoning DHV”
Infrastruktura portuale dhe hekurudhore kombëtare në funksion të tregut të përbashkët kombëtar dhe katër lirive ekonomike: Projekti i Portit të ri tregtar në Porto Romano, integrimi me hekurudhën Durrës – Prishtinë, dhe Porti i thatë në Kosovë.
12.30-Ceremonia e nënshkrimit të marrëveshjeve ndërqeveritare
12.45-Konferencë e përbashkët për shtyp e dy Kryeministrave
18.00-Promovimi i librit “Përplasja e Madhe” të Enver Hoxhaj
