Një shpërthim ka ndodhur mëngjesin e sotëm në depozitat e gazit në në Porto Romano në Durrës, si shkak i zjarrit që ka rënë rreth orës 08:30. Policia konfirmoi se nuk ka të lënduar.
Me ndërhyrjen e menjëhershme të zjarrfikësve dhe policisë, zjarri është fikur. Si pasojë e zjarrit ka vetëm dëme të vogla materiale.
Grupi hetimor ndodhet vendngjarje ku vijon puna për përcaktimin e shkakut të rënies së zjarrit.
Zjarri ka shkaktuar panik te banorët aty pranë.
“Rreth orës 08:30, në Porto Romano, Durrës, ka rrënë zjarr në depozitat e gazit. Me ndërhyrjen e menjëhershme të zjarrfikësve dhe policisë, zjarri është fikur. Si pasojë e zjarrit ka vetëm dëme të vogla materiale. Grupi hetimor ndodhet vendngjarje ku vijon puna për përcaktimin e shkakut të rënies së zjarrit”, njofton policia.
