Tre këngëtarët serbë Mc Stojan, Teodora dhe Edita kanë publikuar bashkëpunimin e tyre më të ri me titull “Blef”, një këngë ritmike që brenda 24 orësh ka arritur 1 milion shikime në Youtube. Por ajo çfarë vumë re është se klipi i tyre ka shumë ngjashmëri me klipin e këngës “Dale”, nga Kida, Butrinti dhe Ledri.
Klipi është xhiruar në një fushë golfi dhe ka disa pjesë që duken të ngjashme.
Klipi nis me Mc Stojan që këndon në fushë, me shkopin e golfit në dorë, ashtu siç nis edhe klipi i këngës “Dale”, me Butrintin në fushë dhe me shkopin e golfit.
Më pas dy këngëtaret Teodora dhe Edita shfaqen në makinën e golfit, ashtu si Butrinti dhe Ledri.
Apo edhe pjesa ku Teodora këndon me Mc Stojan në sfond, ashtu si Kida me Butrintin. Më pas të tre kërcejnë së bashku, me lëvizje thuajse të njëjta si Kida, Butrinti dhe Ledri, shkruan Xing.al.
