Enkelejd Alibeaj ka reaguar pas denoncimit të bërë nga ana e ish kryeministrit, Sali Berisha i cili me anë të një postimi në Facebook, publikoi dokumente të cilat sipas tij faktonin arrestimin e Endi Çuçit, djalit të Bledi Çuçit nën akuzën e kontrabandimit të ilaçeve në Itali.
Alibeaj shkruan se ministri i Brendshëm duhet të sqaronte menjëherë lajmin e publikuar mbi përfshijen e familjarëve të tij në një rrjet trafiku për mediakamentet kontrabandë.
Reagimi në Tuitter i Enkelejd Alibeajt mbi lajmin e publikuar nga ish kryeministri Sali Berisha:
Lajmi i publikuar për procedimin penal nga një gjykatë italiane për djalin e ministrit Bledi Cuci kërkon sqarimin e menjëhershëm prej Ministrit të Brendshëm lidhur me përfshirjen e familjarëve të tij në një rrjet trafiku medikamentesh mjekësore.
Është thelbësore për funksionin e Ministrit të Brendshëm transparenca për publikun, për të sqaruar nëse ajo që ka ndodhur pajtohet me funksionin e lartë publik të Ministrit përgjegjës për ruajtjen e rendit dhe sigurisë nga kriminaliteti!
