Eksperti i ekonomisë Klodian Muço komentoi në edicionin e pasdites me Armela Ferkon në Syri Tv rritjen e çmimit të naftës. Sipas tij një shqiptari i duhet 1 orë punë për të blerë një litër naftë.
“Bordi e ka emrin bordi i transparencës, por nuk kemi parë me sa importohet, nuk dimë sa është çmimi i importit, ata nuk publikojnë faturë.
Unë e vë në dyshim nëse ky bord bën transparencë, apo thjesht janë një kartel ku mblidhen të gjithë tregtarët e shumicës dhe qeveria që të maksimizojnë fitimet e tyre.”-tha Muço.
Eksperti tha se kokëfortësia e qeverisë për të mos prekur taksat dhe duke vazhduar me arkëtim më tepër pa ja kthyer qytetarit, kjo është vjedhje.
“Nga 1.4 për qind e GDP që qeveria deklaron se e kemi mbështetje për të përballuar krizën në fakt 0.3 për qind ka shkuar për mbështetje direkte të qytetarit.”-deklaroi Muço.
