Kryeministri Edi Rama foli në Kuvend në lidhje me ligjin e dekriminalizimit, pasi deputetja e PD Jorida Tabaku i përmendi arrestimin e Agim Kajmakut.
Megjithatë Rama nuk u ndal te emri i Kajmakut, duke folur në përgjithësi në lidhje me deputetët dhe ish-ministrat e dalë nga partia në pushtet që sot ndodhen pas hekurave.
Rama tha se PD nuk mund të flasë sot për të tjerët kur ka të vulosur në simbolin e partisë emrin “Non grata”.
“Ishte një kapërcim nga tema. Shumë i madh. Megjithatë, Dy fjalë kisha për këtë. Zonja Tabaku fole për një linjë korrupsioni anti koprrupspnon. Ajo ka qenë linjë alo doktor këtu ka korrupsion, Nga ana tjetër e telefonit dilte doktori dhe i thyente brinjët korrupsionit. Mua më vjen mirë që ju i përmendni ato që në fakt janë provat e një ndryshim rrënjësor të cilin po e sjellim ne jo ju.
Nëse sot ka ish ministra apo deputetë apo kryetarë bashkie, zyrtarë të nivelit të lartë të lidhur me partinë në pushtet që janë në duart e drejtësisë kjo nuk është diçka që ka ardhur nga qielli por nga reforma në drejtësi. Është rezultat i kërkuar prej nesh dhe jo prej jush. Kjo është një arsye pse Shqiptarët na besojnë ne dhe jo ju.
Ne këtu nuk jemi as për të mishëruar një përgjegjësi kolektive në raport me ligjin dhe as për të mbuluar shkeljet e kujtdo nga ne. Duke qenë se ju i referoheni unë do ju sugjeroja që mos ta harroni që Flamurin tuaj, jo Nokën, flamurin udhëheqës të partisë suaj të lëvizjes suaj të madhe demokratike e keni të arkivuar me një vulë sipër, non grata. Për korrupsion të çfarë natyre?!
Madhor. Dhe jo nga KLSH por nga DASH. Kështu që këto nuk duhen harruar as e para dhe as e dyta. Për ta vënë në perspektivë çdo debat. Qeveria nuk Lufton këtë apo atë. Opozita nuk është për këtë apo atë. Dhe do vazhdoni të mbeteni aty me njëri tjetrin. Ju thatë që ju në vendin tim nuk do shfrytëzonit dobësitë e mia. Ju si parti dhe opozitë apo kopsht pa drekë po kaloni një moment dobësie që ne nuk duhet ta shfrytëzojmë.
Ky nuk është shfrytrëzim i një momenti dobësie. Bëni mirë që ta filloni duke e qepur gojën në raport me të tjerët dhe duke u çliruar nga hijet e vetes. Nëse ju vini këto do merrni përgjigje. Dhe përsëri vini te i njëjti gabim. Unë jam një njeri që e respektoj njerëzit dhe faktet. Nuk merrem me thashetheme dhe me baltë. Gjyqet e shtrigave i bëni ju. Po ju ndodh ajo që keni merituar. Prisni se ka Akoma. Deri në fund e meritoni dhe deri në fund do ju ndodhin”, tha Rama.
