Deputeti demokrat, Enkelejd Alibeaj ka reaguar pas replikave mes ligjvënëses tjetër demokrate Jorida Tabaku dhe kryeministrit Edi Rama.
“Ne me domatet do merremi, ti merresh me lulet e Kajmakut. Bëhu burrë njëherë, fol për Non Grata e tua, i ke me shumicë në grupin tënde, gjysmë zëri nuk nxjerr për raportin e DASH, por jo vetëm kaq del e i mbron, Kujto se c’ke thënë një vit më parë. Bëhu burrë dhe mos i ul poturet para tyre, ende vazhdon në sirtarët e këtij parlamenti, vettingu për politikën, ke ti fuqi për ta bërë. Lista e pritjes duket që e ke të gjatë, për këtë merakosu ti”, i tha Alibeaj-Ramës.
Po ashtu, Alibeaj i kujtoi Ramës edhe arrestimin e këshilltarit të Erion Veliajt lidhur me kokainën në Durrës, duke e quajtur “njeriu jot”.
“Njeriu im?!”, tha Rama nga ana tjetër, i cili qeshi pas kësaj akuze të Alibeajt.
