Policia e Tiranës ka vënë në pranga 3 shtetas në orët e fundit, për vepra të ndryshme penale.
Mes tyre, efektivët në Komisariatin e Policisë Nr. 5 bënë kapjen e shtetasit E. K., 19 vjeç, i shpallur në kërkim për veprat penale “Kanosja për të mos kallëzuar” dhe “Plagosja e lehtë me dashje”.
Sipas bluve, i riu, më datë 13 qershor 2022, ka goditur me grusht shtetasin B. Xh. dhe e ka kanosur atë për të tërhequr kallëzimin e bërë ndaj tij.
Sakaq, specialistët e Qarkullimit Rrugor bënë arrestimin e shtetasve S. N., 17 vjeç dhe M. B., 28 vjeç, të dy banues në Tiranë, pasi u kapën duke drejtuar motomjetet përkatëse, pa leje drejtimi.
Materialet i kaluan Prokurorisë, për veprime të mëtejshme procedurale.
