Plotësohet tabloja e 32 skuadrave pjesëmarrëse në Kupën e Botës, Katar 2022. Kosta Rika është skuadra e fundit që pret biletën pikërisht në Katar ku mundi 1-0 në finalen e fundit play-off Zelandën e Re me golin e minutës së tretë të shënuar nga Campbell.
Skuadra e Amerikës Qëndrore bëhet kështu e katërta nga konfederata Concacaf që do të luajë në Kupën e Botës pas Kanadasë, Meksikës dhe SHBA-së, ndërsa zona e Oqeanisë mbetet sërish e papërfaqësuar.
Ndeshja e luajtur në “Ahmad bin Ali Stadium” foli kryesisht për ekipin e kapitenit Keylor Navas që në botëror do të bashkohet me grupin E ku bëjnë pjesë Gjermania, Spanja dhe Japonia. Kjo është hera e gjashtë që Kosta Rika kualifikohet në një botëror ku arritjen më të madhe e ka regjistruar deri në çerekfinalet e Brazil 2014.
The stage is set. We now know the final 32 teams that are heading to #Qatar2022. 🤩
Who will lift the #FIFAWorldCup? 🏆 pic.twitter.com/SajfjpmnAx
— FIFA World Cup (@FIFAWorldCup) June 14, 2022