Tërmet gjerman në Gladbach që trondit nga themelet Italinë në klasiken e Europës. “Die Manchaft” shkatërron 5-2 të kaltërit eksperimentalë të Roberto Mancinit që u dorëzuan pa kushte ndaj formacionit të dorës së parë të Hansi Flick.
Pjesa e parë u mbyll me avantazhin e dyfishtë ndërsa në të dytën situata u përkeqësua për kampionët e Europës që pësuan edhe 3 gola, 2 prej të cilëve nga Timo Werner.
Siç bën zakonisht Gjermania, nuk u ndal dhe në pjesën e dytë shënoi edhe tre herë të tjera në portën e Donnarumma. Muller dhe më pas Werner me dygolësh ndëshkuan kampionët e Europës, që golin e nderit e shënuan me Gnonto. Në shtesa realizoi edhe Bastoni.
Hungaria ka turpëruar Anglinë, pasi e mundi me rezultatin 4-0. Sallai realizoi dy gola në portën e “tre Luanëve”, ndërsa Nagy të tretin. Vulën turpit të Anglisë ia vuri Gazdag, me një tjetër gol një minuta para fundit të kohës së rregullt.
Holanda ka marrë fitoren e tretë, pasi mposhti Uellsin me rezultatin 3-2 dhe kryeson me 10 pikë, me tre pikë më shumë se Belgjika. Lang dhe Gakpo shënuan që në fillim për holandezët, kurse në shtesë Bale barazoi me penallti. Depay më pas bëri heroin për “Tulipanët” me golin e fitores.
Belgjika ndërkohë iu fal një goli të shpejtë të Batshuayi, në minutën 16-të, për të munduar Poloninë në transfertë.
Rezultatet e mbrëmjes në Nations League:
