Një zyrtar i Fondit Shqiptar të Zhvillimit dhe 2 zyrtarë të Agjencisë Shtetërore të Kadastrës janë pezulluar nga detyra pasi po hetohen nga Prokuroria e Tiranës për falsifikim dokumentesh pas kallëzimit të një shtetasi.
Prokurori çështjes kërkoi në gjykatë pezullimin nga detyra të personave në hetim, dhe më 10 qershor 2022, kërkesa u pranua nga Gjykata e Tiranës.
Personat në hetim të cilët janë pezulluar nga detyra dhe është dhënë nga gjykata masa e sigurisë “detyrim me paraqitje” janë Lediana Bardhi, Rajmonda Dashi, Thanas Leka dhe Dario Vasili.
Lediana Bardhi ka qenë ish-kryeregjistruese në hipotekën e Tiranës dhe është kallëzuar më parë dhe nga KLSH.
Raimonda Dashi ka qenë Drejtoreshë e Hipotekës në Durres dhe ka dhënë dorëheqjen pas kërkesës së Lames.
Thanas Leka punon si drejtor ne Agjensinë Shtetërore të Kadastrës ne Qendër.
