Armando Broja ende nuk e di të ardhmen e tij. Sulmuesi i kombëtares së Shqipërisë nuk e di nëse do të qëndroj te Chelsea, do të huazohet përsëri apo do të shitet përfundimisht te ndonjë ekip tjetër.
Për tifozët e Shqipërisë, ai është një idhull dhe kjo gjë kuptohej që nga ndeshja me Izraelin, ku çdo top që ai prekte, duartrokitej dhe stadiumi ngrihej në këmbë.
Emri i sulmuesit të kombëtares sonë është në listën e shumë ekipeve me emër, por nuk dihet ende sesi do të përfundojë kjo merkato verore për të.
Një nga klubet e mëdha, të cilat kanë shfaqur interes për të që në fillim, është Napoli.
Klubi i kaltër nuk ka ndërmend të heqë dorë nga bomberi i Chelsea, por për këtë gjë duhet pak kompromis financiar me klubin anglez.
Broja pati një sezon pozitiv me Southampton, por tashmë nuk dihet ende se si do të jenë planet e Touchel me të.
