Policia e Durrësit ka arrestuar dy persona, pasi u kapën me fara të kanabisit.
Në pranga kanë rënë Seldi Dauti 21 vjeç dhe Gani Roçi 21 vjeç.
Njoftimi:
Durrës
Vijon puna për parandalimin e tentativës për kultivim të bimëve narkotike.
Goditet një rast i tregtimit të farave narkotike, me qëllim kultivimin e tyre.
Arrestohen në flagrancë 2 shtetas. Sekuestrohen 260 fara të dyshuara narkotike cannabis sativa.
Specialistët e Seksionit për Hetimin e Narkotikëve në DVP Durrës, në bashkëpunim me shërbimet e Forcës së Posaçme “Shqiponja”, në bazë në informacioneve të siguruara në rrugë operative për një rast të tregtimit të farave narkotike, arrestuan në flagrancë shtetasit:
Seldi Dauti, 21 vjeç dhe Gani Roçi, 21 vjeç, të dy banues në Durrës.
Arrestimi në flagrancë i këtyre shtetasve u bë sepse gjatë kontrollit në automjetin me të cilin ata po udhëtonin, në Shkozet, iu gjetën dhe iu sekuestruan në cilësinë e provës materiale 260 fara të dyshuara narkotike cannabis sativa.
Materialet u referuan në Prokurorinë pranë Gjykatës së Rrethit Gjyqësor Durrës, për veprën penale “Prodhimi dhe shitja e lëndëve narkotike”, kryer në bashkëpunim.
