Një sasi e madhe prej rreth 2.2 tonë kokainë është kapur në Peru. Mediet e huaja raportojnë se kokaina ishte fshehur në kutitë e shpargut.
Policia tha se droga do të dërgohej nga porti i Callao, pranë kryeqytetit peruan Lima, në Roterdam të Holandës.
Në pranga kanë rënë shtatë shtetas, ndërsa është lëshuar urdhër-arresti ndaj dy shqiptarëve.
Siç tha kreu i hetuesve peruan të drogës, César Echevarría, dy shqiptarët ishin autorët e trafikut të kokainës, ndërsa bëhet fjalë për “një rrjet me lidhje me Kolumbinë, Ekuadorin dhe Shqipërinë”.
Shumë shqiptarë besohet se janë aktivë në fushën e tregtimit të lëndëve narkotike në Amerikën Latine, ndërsa jo pak prej tyre janë arrestuar.
