Floriana Garo, e ftuar tek “Rudina” në Tv Klan, tregoi motivet që e drejtuan atë në politikë, e veçanërisht në PD, marrëdhënien e saj me zotin Berisha dhe këshilla të vlefshme që ka marrë prej tij.
“Mund të them që ai është një njeri shumë i drejtpërdrejtë, shumë i ngrohtë dhe shumë i kujdesshëm. Për këdo që takon ai i kushton vëmendjen e duhur. Në ekran shfaqet më i ashpër sesa realisht është”, tha Floriana.
“Ai më ka dhënë disa këshilla që unë mundohem t’i kem parasysh gjithmonë. Mbi të gjitha, ka thënë që nëse do të jesh në politikë, ti duhet të bëhesh avokatja e njerëzve, pra t’i mbrosh ata, t’i mbrosh të gjitha dëshirat dhe synimet e tyre dhe kur ata janë të pambrojtur, ti duhet të jesh aty për të folur dhe për të luftuar për ta. Dhe krahas saj, të qëndroj grua e qetë në debate televizive, ishte kënaqësi kur e dëgjova nga zoti Berisha këtë gjë”, tregoi ajo.
