“Ky është një shtet i kapur, Presidentit nuk i përgjigjen as për çështje që lidhen me sigurinë kombëtare, as ato të lidhura me plotësimin e vendeve të institucioneve të drejtësisë”, u shpreh mbrëmjen e sotme, Presidenti Ilir Meta në emisionin “Open” në News24.
Meta tha se Edi Rama ka kapur të gjitha pushtetet. “Uroj që Presidenti i zgjedhur të mbrojë Kushtetutën. Unë nuk mund të them sot nëse Edi Rama ka kapur ose jo Presidencën me zgjedhjen e Bajram Begajt, pasi koha do e tregojë, por ajo që dua të them është që synimi i Kryeministrit është pikërisht kapja e çdo institucioni”, tha Meta.
Ai e konsideroi si një lojë të Edi Ramës edhe procesin e negociatave për zgjedhjen e Presidentit, por shtoi se nuk ka ndonjë mendim të mirë as për opozitën, e cila i ka dobësuar pozitat e saj që me braktisjen e Kuvendit dhe djegien e mandateve, ashtu edhe me bojkotin e zgjedhjeve lokale të 2019-ës.
