Detaje të reja kanë dalë lidhur me aksionin e zhvilluar nga forcat “RENEA” në Elbasan dhe Peqin. Pavarësisht dështimit për të kapur të shumëkërkuarin Talo Çela, mësohet se në prangat e policisë ka rënë shtetasi Klement Xhaferri. Ky i fundit njihet si krahu i djathtë i Suel Çelës.
Klement Xhaferri ishte i shpallur në kërkim për ngjarjen e ndodhur në Elbasan pak ditë para zgjedhjeve të 25 Prillit të vitit 2021 ku u vra shtetasi Pjerin Xhuvani dhe katër persona të tjerë u plagosën, mes tyre edhe një efektive policie.
