Mbrëmjen e së enjtes u raportuan të shtëna me armë zjarri në zonën e Currilave në Durrës.
Fillimisht u tha se në drejtim të një makine është qëlluar me armë zjarri nga një automjet tip ‘Range Rover’ me ngjyrë të bardhë, ku mendohet se udhëtonin dy persona.
Por, duket se gjithë ngjarja ka pasur një tjetër zanafillë, pasi flitet për një automjet i cili duke ecur kundravajtje, është tentuar të ndalohet nga një patrullë policie.
Por kjo e funndit është aksidentuar nga automjeti Range Rover, dhe për pasojë njëri prej policëve ka pësuar fraktura dhe është transportuar me urgjencë drejt spitalit rajonal të Durrësit në gjendje të rëndë.
“Një automjet lëvizte në sens të kundërt dhe Forcat operacionele të Durrësit i kanë bërë shenjë të ndalojë por drejtuesi i automjetit ka vijuar lëvizjen dhe nuk i është bindur urdhrit, duke përplasur dy punonjës policie, njëri prej të cilëve ndodhet aktualisht në spital për ndihmë mjekësorë, jashtë rrezikut për jetën.
Forcat operacionale të DVP Durrës janë vënë në ndjekje ku kanë bërë të mundur kapjen e njerit prej personave që ndodhej në mjet i cili është kapur me armë zjarri pistoletë. Ndërkohë që policia vijon të jetë në kërkim të personit tjetër që ishte në mjetin Range Rover të bardhë”, njofton policia.
Durrës/Informacion paraprak
Më datë 09.06.2022, rreth orës 22.40, në lagjen nr 1, Durrës, një automjet me drejtues shtetasin H.P, lëviste në sens të kundërt.
Forcat operacionale të DVP Durrës që ishin me shërbim në këtë zonë i kanë bëre shenjë për të ndaluar por drejtuesi i automjetit ka vijuar lëvizjen me shpejtësi duke përplasur punonjësit e policisë.
Si pasojë njëri prej punonjësve të policisë, shtetasi G.M, është dëmtuar dhe ndodhet në spital për ndihmë mjeksore, jashtë rrezikut për jetën.
Forcat operacionale të DVP Durrës janë vënë në ndjekje ku kanë bërë të mundur kapjen e personit që ndodhej në mjet, konkretisht shtetasin H.P, i cili kishte me vete armë zjarri pistoletë.
Grupi hetimor në bashkëpunim me AMP, nën drejtimin e Prokurorisë vijon punën për sqarimin e plotë të rrethanave dhe dokumentimin ligjor të kësaj ngjarjeje.
