Anëtari i Këshillit Kombëtar të PD Genc Pollo komentoi në emisionin ‘Task Force’ në Syri Tv deklaratat e ministrit të Jashtëm rus, Sergei Lavrov për nismën ‘Ballkani i Hapur’ dhe mbështetjen e hapur ndaj kësaj nisme.
Pollo tha se është problem i madh që Edi Rama është i lidhur me Aleksandër Vuçiç.
“Rama, qeveria shqiptare, për të shpëtuar fytyrën pas 24 shkurtit, kishte sebepin për tu tërhequr nga Open Balkan sepse jemi në një situatë lufte në Ukrainë dhe Serbia nuk është në krahun tonë, në krahun e Ukrainës dhe BE.
Rama nuk e ka bërë këtë, ndodhet në Ohër për nismën Ballkani i Hapur. Ky është një problem që agravohet në vend që t’i jepej zgjidhje. Nëse do tërhiqej, do merrte kritika nga palët, por do të dilte”, tha Pollo.
