Deputetja demokrate Greta Bardeli dhe ministrja e Infrastrukturës dhe Energjisë, Belinda Balluku, kanë debatuar në seacën e sotme plenare lidhur me segmentin Thumanë-Kashar.
Deputetja Bardeli ngriti si shqetësim të qytetarëve traun që do të vendoset në aksin Thumanë-Kashar ku qytetarët pas përfundimit të rrugës do të paguajnë 2.5 euro, për të kaluar në rrugë, duke e cilësuar një koncension korruptiv.
Ministrja Balluku theksoi se taksimi i makinave në Shqipëri në rrugët e reja që do të ndërtohen është i njëjtë, ashtu siç ndodh në çdo vend të Bashkimit Europian.
Ajo theksoi se Qeveria shqiptare është zotuar dhe i ka vendosur si kusht kompanisë koncensionare që do të vjelë taksat në Thumanë-Kashar, se nuk mund të vendosë asnjë tra në rrugë, nëse nuk do të ketë rrugë dytësore, ku qytetarët të mund të zgjedhin.
“Taksimi në rrugë nuk është një gjë e re, ajo do të funksionojë njëlloj si në çdo vend tjetër të BE-së. Ju kujtoj se Qeveria shqiptare është zotuar që asnjë rrugë nuk do të ketë tra, në rast se nuk do të ketë një rrugë alternative”, tha Balluku.
