Kanë dalë momentet e fundit të personazhit të njohur, Ard Daullxhiu para se të ndrronte jetë.
Në fotot e dërguara për JOQ Albania ai shihet duke ecur me biçikletë drejt spitalit të Durrësit aty ku dhe ndërroi jetë për shkak të një ataku në zemër.
Ard Daullxhiu shfaqet me një bluzë ngjyrë bojëqielli dhe pantallona të shkurtëra, teksa nxiton me biçikletë drejt spitalit, por nuk arriti të mbijetonte dot pas shqetësimeve që ndjeu në trup.
Mësohet se fillimisht ai kishte ndjerë dhimbje në gjoks teksa ishte duke shitur fara në tregun e Durrësit dhe menjëherë ka marrë biçikletën për të shkuar në spital, por është rrëzuar pa ndjenja në tokë në momentin që ka hyrë brenda rrethimit të spitalit.
Ardi Daullxhiu u bë i njohur pas ekspozimit në rrjetet sociale dhe kërkesave për ndihmë ekonomike në mënyrë që të dilte nga mjerimi i thellë ku ndodhej.
