Kryeministri i kosovës ka uruar Presidentin e zgjedhur pasditen e kësaj të shtune, Bajram Begaj. Në një postim në facebook, Kurti teksa e uron për detyrën e re, shprehet se sfidat dhe problemet mes republikave tona kalojnë vetëm nëse ka një bashkëpunim dhe të gjithë angazhohen drejt synimeve për mirëqënie, drejtësi e siguri.
Postimi
E uroj presidentin e sapo zgjedhur të Shqipërisë, z. Bajram Begaj për përgjegjësinë dhe detyrën e re, si dhe popullin e qytetarët e Shqipërisë për presidentin e tyre të ri.
Sfidat me të cilat përballen republikat tonë dhe mbarë kombi lehtësohen atëherë dhe sa herë që punojmë bashkë. Andaj, le të angazhohemi e bashkërendohemi drejt synimeve tona për mirëqenie e liri, drejtësi e siguri, zhvillim e progres, gjithnjë në orientimin tonë të palëkundur evropian, perëndimor e demokratik.
