7 persona janë arrestuar në vend për vepra të ndryshme penale, ndërsa 1 procedohet në gjendje të lirë.
Qytetari me inicialet E. D., 43 vjeç, banues në Tiranë është arrestuar pasi iu gjet dhe sekuestra një sasi lënde e dyshuar narkotike e llojit heroinë.
E.D., gjithashtu kishte shkelur masën e sigusisë “ arrest në shtëpi” pasi kishte dalë nga shtëpia.
Qytetari F. D., 19 vjeç, banues në Tiranë është shpallur në kërkim pasi është dënuar me 2 muaj burgim për vjedhje. I. L., 62 vjeç, banues në Tiranë dhe E. B., 34 vjeç, banues në Fushë Krujë, janë arrestuar teksa u kapën duke drejtuar mjetet në gjendje të dehur.
Një tjetër arrestim është bërë pasi qytetari B. M., 30 vjeç banues në Vlorë, u kap duke drejtuar mjetin pa leje drejtimi.
Njoftim i Policisë:
“Vihen në pranga 7 shtetas dhe procedohet në gjendje të lirë 1 tjetër, për vepra të ndryshme penale. Specialistët e Seksionit për Hetimin e Narkotikëve bënë arrestimin në flagrancë të shtetasve. E. D., 43 vjeç, banues në Tiranë, për veprat penale “Prodhimi dhe shitja e narkotikëve” dhe “Largimi i të burgosurit nga vendi i qëndrimit”. Gjatë kontrollit fizik nga shërbimet e Policië, shtetasit E. D. iu gjet dhe iu sekuestrua, në cilësinë e provës materiale, një sasi lënde e dyshuar narkotike e llojit heroinë. Pas verifikimeve të kryera, ka rezultuar se ky shtetas kishte shkelur masën e sigurisë “Arrest në shtëpi”, duke dalë jashtë banesës. E. L., 23 vjeç, banues në Tiranë, për veprën penale “Prodhimi dhe shitja e narkotikëve”, pasi gjatë kontrollit fizik nga shërbimet e Policisë, iu gjet dhe iu sekuestrua, në cilësinë e provës materiale, një sasi lënde e dyshuar narkotike e llojit kokainë. Specialistët për Hetimin e Krimeve në Komisariatin e Policisë Nr. 2 bënë kapjen dhe ndalimin e shtetasit F. D., 19 vjeç, banues në Tiranë, i shpallur në kërkim pasi Gjykata e Shkallës së Parë Tiranë e ka dënuar me 2 muaj burgim, për veprën penale “Vjedhja”. Specialistët e Qarkullimit Rrugor bënë arrestimin në flagrancë të shtetasve. I. L., 62 vjeç, banues në Tiranë dhe E. B., 34 vjeç, banues në Fushë Krujë, pasi u kapën duke drejtuar mjetet përkatëse, në gjendje të dehur. B. M., 30 vjeç, banues në Vlorë, pasi u kap duke drejtuar mjetin, pa leje drejtimi. S. N., 27 vjeç, banues në Tiranë, pasi u kap duke drejtuar motomjetin, pa leje drejtimi. Spëcialistët për Hetimin e Krimeve në Komisariatin e Policisë Nr. 1 referuan materialet në Prokurori dhe nisi procedimi penal për shtetasin B. Q., 66 vjeç, banues në Tiranë, për veprën penale “Plagosja e lehtë me dashje”, pasi ka goditur me grusht, për motive të dobëta, shtetasen E. B., 23 vjeçe. Më datë 03.06.2022, shtetasi A. M., 39 vjeç, ka kallëzuar se është larguar nga banesa dhe nuk është kthyer më, vajza e tij e mitur, shtetasja A. M., 14 vjeçe. Punohet për gjetjen e saj.Më datë 03.06.2022, shtetasja S. I., ka kallëzuar se është larguar nga banesa dhe nuk është kthyer më bashkëshorti i saj, shtetasi A. I., 33 vjeç. Punohet për gjetjen e tij. Materialet i kaluan Prokurorisë, për veprime të mëtejshme procedural”.
