Pas zgjedhjes së presidentit të ri në vendin tonë ka ardhur edhe reagimi i shefit të politikës së Jashtme të Bashkimit Europian, Josep Borrell. Me anë të një postimi në “Twitter”, Borrell ka uruar për detyrën e re si president Bajram Begajn.
“Urime Bajram Begajt për zgjedhjen e tij si Presidenti i ardhshëm i Shqipërisë. Mezi presim që të punojmë bashkë për një marrëdhënie të sigurt dhe solide BE-Shqipëri, si anëtarë të familjes evropiane”,-shkruan Borrell.
Urime për presidentin e sapo zgjedhur ka përcjellë edhe Komisioneri për Fqinjësinë dhe Zgjerimin e BE, Oliver Varhelyi.
“Urime Bajram Begaj për zgjedhjen si President i ardhshëm i Shqipërisë. Mezi pres të punojmë së bashku për të çuar përpara Shqipërinë në rrugën e saj të integrimit në BE”, shkruan komisioneri Varhelyi.
Bajram Begaj është zgjedhur këtë të shtunë si president i republikës së Shqipërisë me 78 vota pro, 4 kundër dhe 1 abstenim.
