Është zbardhur formulari i dekriminalizimit i kandidatit për President të Republikës së Shqipërisë, Bajram Begaj, i propozuar nga Partia Socialiste.
Nga sa thuhet në formularin e dekriminalizmit, rezulton se Begaj është figurë e pastër dhe nuk ka pasur asnjëherë probleme me ligjin.
Ndërkohë, pasditen e së shtunës, Komisioni i Ligjeve me shumicë votash dërgoi emrin e Bajram Begajt në Kuvend si kandidat për president.
Për kandidaturën e tij do të votojnë deputetët në sallën e Kuvendit, ndërsa u propozua nga 37 ligjvënës socialistë.
Opozita do të votojë kundër propozimit për president nga socialistët për Bajram Begajn.
I pranishëm në Komisionin e Ligjeve për emrin e ri të presidentit, deputeti Oerd Bylykbashi ka argumentuar se një ushtarak aktiv në detyrë, nuk mund të kandidojë për të qenë në krye të shtetit.
