Socialistët kanë propozuar emrin e Gjeneral Major Bajram Begaj si kandidatin zyrtar për postin e Presidentit të Republikës. Votimi për kandidaturën e Begajt pritet të zhvillohet pasditen e së shtunës, ndërsa kreu i Shtabit të Përgjithshëm të FA-ve, gjatë një takimi në Kryeministri me Edi Ramën ka shprehur vlerësime dhe ka premtuar se do të jetë në lartësinë e detyrës.
Emri i kandidatit të propozuar nga Edi Rama nuk është pritur mirë në radhët e PD, ndërsa është shoqëruar me një sërë reagimesh.
Deputeti i Partisë Demokratike, Luçiano Boçi, shprehet se Begaj është i kompromentuar, në momentin që ka dalë nga ‘xhepi’ i Ramës.
“Z. Bega mund të jetë një profesionist e ushtarak i mirë, por në momentin që del nga xhepi i Ramës është i komprentuar sepse është produkt i minimit të konsensusit politik.
Te përdoresh nga Rama deri në pikën sa të fitosh një garë pa betejë sikur nuk i shkon kostumit të një gjenerali.
Njeriu së paku e bën një betejë në jetën e vet”, shprehet Boçi.
Aq më teper kur të ndihmon Rama diçka e madhe nuk shkon.”
