“Nuk mundet kurrë kush të barazojë Tiranën me Banja Lukë apo ta shndërrojë atë në Beogradin e vogël”, u shpreh kryetari i PD, Sali Berisha, në fjalimin e tij përpara anëtarëve të Këshillit Kombëtar demokrat, duke folur për vasalitetin e Shqipërisë ndaj Serbisë dhe Edi Ramës ndaj Aleksandar Vuçiç.
Berisha kërkoi reagimin e qytetarëve dhe angazhimin e strukturave të PD për t’u përballur me Edi Ramën, duke shtuar se ky i fundit po e shndërron vendin në instrument të interesave të Serbisë, përmes ‘Ballkanit të Hapur’.
Berisha e krahasoi Vuçiçin me Titon, ndërsa theksoi se presidenti serb është kriminel lufte që e ka vendin në Gjykatën e Hagës.
“Nëse do të vazhdojmë kështu, do rikthehet Druze Sandri, si dikur Druze Tito. Ne nuk mund të pajtohemi. Sandri është një kriminel që vendin e ka në Hagë dhe jo promotor i projekteve ruse dhe të serbomadhisë në Ballkan”.
