Analisti Artan Hoxha u shpreh mbrëmjen e sotme në emisionin Opinion se Presidenti i ri më shumë se mbrojtës i Kushtetutës do të jenë shërbyes i mazhorancës.
Hoxha tha se në këndvështrimin e tij Ilir Meta ka mbrojtur Kushtetutën, ka zhvilluar dhe fituar 7 beteja kushtetuese, por për socialistët ai konsiderohet si shkelës i Kushtetutës.
“Kur thuhet se Presidenti i ri do të jetë i ndryshëm nga Ilir Meta, atëherë unë mendoj se do të jetë jo mbrojtës i Kushtetutës”, tha Hoxha.
Ndërsa analisti Preç Zogaj theksoi se emrat që kanë rrjedhur në media nuk janë kandidatë për President. “Mendoj se Edi Rama e ka caktuar Presidentin dhe e ruan emrin me fanatizëm. Siç kanë ardhur punët mund të jetë edhe një figurë politike”, tha Zogaj.
Por Zogaj tha se nëse Presidenti i ri do të jetë euroatlantist, mund ta përbashkojë politikën.
